Гүүдсек Үнэт цаасны компанийн цахим хуудсанд зочилж буй танд энэ өдрийн мэнд хүргэе.

Гүүдсек ҮЦК нь анх 2008 онд үүсгэн байгуулагдсан цагаас хойш үйл ажиллагаагаа өргөжүүлэн 2020 оны байдлаар хөдөө орон нутагт нийт 13 аймаг болон Улаанбаатар хотод төв салбартайгаар Монгол улсын газар нутгийн талаас илүүд Үнэт цаасны зах зээлийн бүх төрлийн үйлчилгээг хүргэн ажиллаж байна.

Бид үйлчилгээнийхээ тогтвортой байдлыг хангаж, хүртээмжийг нэмэгдүүлэн Монголын өргөн уудам нутагт тархан суурьшсан иргэд харилцагчдад Хөрөнгийн зах зээлийн үйлчилгээг ойртуулахаар зорилго тавин ажилласаар ирсэн.

Зорилгынхоо хүрээнд бидний хийсэн ажлуудаас цаг хугацааны дарааллаар товч дурдвал,

2008 он - Гурван хувь нийлүүлэгчтэйгээр үүсгэн байгуулагдаж Санхүүгийн зохицуулах хорооноос Брокер, Дилер, Хөрөнгө оруулалтын зөвлөхийн үйл ажиллагаа эрхлэх тусгай зөвшөөрөл авсан;

2009 – 2010 он - Монголын хөрөнгийн биржийн гишүүнээр элсэн орсон, Хөвсгөл, Завхан аймгийн иргэдэд үйлчилгээ үзүүлэх компаниар шалгаран нийт 40,000 гаран харилцагчийн Хөрөнгө оруулалтын эрхийг бичгийн мэдээллийг шилжүүлэн авснаас хойш өнөөг хүртэл тус аймгуудын нийт иргэдэд Үнэт цаасны зах зээлийн үйлчилгээг үзүүлж байна;